زعلان بس يا زعل لمن ترد للصدكَ
كَبل المنادي اجي.... وشلون جيّه أجي ,,
اركض ركض محتركَ
ياللثتك ابريتي…..وين الكَه مثلك هوى….
لولاك والله اختنكَ
هيه شراكة نفس,,
كَبل المنادي اجي.... وشلون جيّه أجي ,,
اركض ركض محتركَ
ياللثتك ابريتي…..وين الكَه مثلك هوى….
لولاك والله اختنكَ
هيه شراكة نفس,,
لو سكت كَلبك سكت كَلبي
ويدكَ……لو……يدك………
لوما وكتنه صعب ماجان ابد….نفتركَ
كل هالمسافه….البعد…!!
وسوالفك تنسمع جن احنه…حلكَ اب حلكَ
يامن امكَدر عليّ !!! غيرك فصاله صعب
جم دوب اخيط وشكَ
حنيت انه الشوفتك….واصبرت بس ماصبر كلبي وصرخ راح اطكَ
جاباني الك واذعنت…جيتك..بليل شتا
ظلمه ومطره رشكَ
وشبعده صار الدرب…خوف …..ورعيد…وثلج..وجفوف اديه زركَ
ابابك طحت هاكمت….ضميت اديه اوردت….. عالباب بالروح..ادكَ
بس كالو المن تدك……كلمن مشه الحالته…
واحد سكن بالغرب…..واحد سكن بالشركَ…!
ويدكَ……لو……يدك………
لوما وكتنه صعب ماجان ابد….نفتركَ
كل هالمسافه….البعد…!!
وسوالفك تنسمع جن احنه…حلكَ اب حلكَ
يامن امكَدر عليّ !!! غيرك فصاله صعب
جم دوب اخيط وشكَ
حنيت انه الشوفتك….واصبرت بس ماصبر كلبي وصرخ راح اطكَ
جاباني الك واذعنت…جيتك..بليل شتا
ظلمه ومطره رشكَ
وشبعده صار الدرب…خوف …..ورعيد…وثلج..وجفوف اديه زركَ
ابابك طحت هاكمت….ضميت اديه اوردت….. عالباب بالروح..ادكَ
بس كالو المن تدك……كلمن مشه الحالته…
واحد سكن بالغرب…..واحد سكن بالشركَ…!
..
.
للراحل الشاعر الكبير
كاظم اسماعيل الكاطع