كلمات قصيدة " لكيت اوصاف غيرك "
للشاعر المبدع مرتضى الازرقي
قصيدة غزل عراقي رووعة
..
****************
لكَيت اوصاف غيرك بيك موجودات
والموجود عندك ما شفت عنده
كَبلك ما شفت حتى بخيالي انسان
مثلك ما لكَيت ونسختك وحده
شعرك غيمة سودة وعالكَمر تندار
يعني انت الكَمر وعلى الوجه ورده
الكَمر من عد بياضك لونه ماخذ لون
يمد ايده على خدك يمسح بخده
يالرمشك مهفة خادم السلطان
ومن ترمش كَباله توكَفه وتكعده
وبعينك سحر والكحلة منك بيك
اختصرت جمالك... برزت بحِدّه
و ]حب رمّان شفتك صفنتني سنين
عسل من تبتسم من عدها يتبده [
ونزل ماي الزلال بركَبتك شلّال
وسور الصين متنك ما نفع سده
وبين جبال صدرك روج يلطم روج
وانشَقلك طريق بنصهن اتعدّه
وعلى خوّار طولك حقه داخ الماي
تصفن العواصف يمك وتهده
بس انت وية انت يصيرلك مقياس
وكلمن نافسك بعيونك تفنده
أحتركَ كَلب الحسن من شاف حسن البيك
بابه بجيتك بوجوهنا يسده
دوله لوحدك وحجايتك دستور
واليعبر حدودك بايدك تطرده
] نظراتك حرس وجنودك البوسات
بوسة تبوس بوسة وجيشك مجنده [
وبكَاعك تناحر هذا يذبح ذاك
لازم سيف بيده وذبّل الورده
]]عراقك يا ترف بس تبتسم ترضيه
وبس انت بجمالك تكَدر توحده [[
,,
بس انت بجمالك تكَدر توحده
الشاعر مرتضى الازرقي 2014
>>
